stotra
stotra
[wpi_designer_button text=’
.. অপরাধক্ষমাপণস্তোত্রম্ ..
ওঁ অপরাধশতং কৃৎবা জগদম্বেতি চোচ্চরেৎ .
যাং গতিং সমবাপ্নোতি ন তাং ব্রহ্মাদয়ঃ সুরাঃ .. ১..
সাপরাধোঽস্মি শরণং প্রাপ্তস্ত্বাং জগদম্বিকে .
ইদানীমনুকম্প্যোঽহং যথেচ্ছসি তথা কুরু .. ২..
অজ্ঞানাদ্বিস্মৃতের্ভ্রোন্ত্যা যন্ন্যূনমধিকং কৃতম্ .
তৎসর্বং ক্ষম্যতাং দেবি প্রসীদ পরমেশ্বরি .. ৩..
কামেশ্বরি জগন্মাতঃ সচ্চিদানন্দবিগ্রহে .
গৃহাণার্চামিমাং প্রীত্যা প্রসীদ পরমেশ্বরি .. ৪..
সর্বরূপময়ী দেবী সর্বং দেবীময়ং জগৎ .
অতোঽহং বিশ্বরূপাং ৎবাং নমামি পরমেশ্বরীম্ .. ৫..
যদক্ষরং পরিভ্রষ্টং মাত্রাহীনঞ্চ যদ্ভবেৎ .
পূর্ণং ভবতু তৎ সর্বং ৎবৎপ্রসাদান্মহেশ্বরি .. ৬..
যদত্র পাঠে জগদম্বিকে ময়া
বিসর্গবিন্দ্বক্ষরহীনমীরিতম্ .
তদস্তু সম্পূর্ণতমং প্রসাদতঃ
সঙ্কল্পসিদ্ধিশ্ব সদৈব জায়তাম্ .. ৭..
যন্মাত্রাবিন্দুবিন্দুদ্বিতয়পদপদদ্বন্দ্ববর্ণাদিহীনং
ভক্ত্যাভক্ত্যানুপূর্বং প্রসভকৃতিবশাৎ ব্যক্ত্তমব্যক্ত্তমম্ব .
মোহাদজ্ঞানতো বা পঠিতমপঠিতং সাম্প্রতং তে স্তবেঽস্মিন্
তৎ সর্বং সাঙ্গমাস্তাং ভগবতি বরদে ৎবৎপ্রসাদাৎ প্রসীদ .. ৮..
প্রসীদ ভগবত্যম্ব প্রসীদ ভক্তবৎসলে .
প্রসাদং কুরু মে দেবি দুর্গে দেবি নমোঽস্তু তে .. ৯..
.. ইতি অপরাধক্ষমাপণস্তোত্রং সমাপ্তম্..
.. অর্গলাস্তোত্রম্ ..
.. শ্রী..
শ্রীচণ্ডিকাধ্যানম্
ওঁ বন্ধূককুসুমাভাসাং পঞ্চমুণ্ডাধিবাসিনীম্ .
স্ফুরচ্চন্দ্রকলারত্নমুকুটাং মুণ্ডমালিনীম্ ..
ত্রিনেত্রাং রক্তবসনাং পীনোন্নতঘটস্তনীম্ .
পুস্তকং চাক্ষমালাং চ বরং চাভয়কং ক্রমাৎ ..
দধতীং সংস্মরেন্নিত্যমুত্তরাম্নায়মানিতাম্ .
অথবা
যা চণ্ডী মধুকৈটভাদিদৈত্যদলনী যা মাহিষোন্মূলিনী
যা ধূম্রেক্ষণচণ্ডমুণ্ডমথনী যা রক্তবীজাশনী .
শক্তিঃ শুম্ভনিশুম্ভদৈত্যদলনী যা সিদ্ধিদাত্রী পরা
সা দেবী নবকোটিমূর্তিসহিতা মাং পাতু বিশ্বেশ্বরী ..
অথ অর্গলাস্তোত্রম্
ওঁ নমশ্বণ্ডিকায়ৈ
মার্কণ্ডেয় উবাচ .
ওঁ জয় ৎবং দেবি চামুণ্ডে জয় ভূতাপহারিণি .
জয় সর্বগতে দেবি কালরাত্রি নমোঽস্তু তে .. ১..
জয়ন্তী মঙ্গলা কালী ভদ্রকালী কপালিনী .
দুর্গা শিবা ক্ষমা ধাত্রী স্বাহা স্বধা নমোঽস্তু তে .. ২..
মধুকৈটভবিধ্বংসি বিধাতৃবরদে নমঃ .
রূপং দেহি জয়ং দেহি যশো দেহি দ্বিষো জহি .. ৩..
মহিষাসুরনির্নাশি ভক্তানাং সুখদে নমঃ .
রূপং দেহি জয়ং দেহি যশো দেহি দ্বিষো জহি .. ৪..
ধূম্রনেত্রবধে দেবি ধর্মকামার্থদায়িনি .
রূপং দেহি জয়ং দেহি যশো দেহি দ্বিষো জহি .. ৫..
রক্তবীজবধে দেবি চণ্ডমুণ্ডবিনাশিনি .
রূপং দেহি জয়ং দেহি যশো দেহি দ্বিষো জহি .. ৬..
নিশুম্ভশুম্ভনির্নাশি ত্রিলোক্যশুভদে নমঃ .
রূপং দেহি জয়ং দেহি যশো দেহি দ্বিষো জহি .. ৭..
বন্দিতাঙ্ঘ্রিয়ুগে দেবি সর্বসৌভাগ্যদায়িনি .
রূপং দেহি জয়ং দেহি যশো দেহি দ্বিষো জহি .. ৮..
অচিন্ত্যরূপচরিতে সর্বশত্রুবিনাশিনি .
রূপং দেহি জয়ং দেহি যশো দেহি দ্বিষো জহি .. ৯..
নতেভ্যঃ সর্বদা ভক্ত্যা চাপর্ণে দুরিতাপহে .
রূপং দেহি জয়ং দেহি যশো দেহি দ্বিষো জহি .. ১০..
স্তুবদ্ভ্যো ভক্তিপূর্বং ৎবাং চণ্ডিকে ব্যাধিনাশিনি .
রূপং দেহি জয়ং দেহি যশো দেহি দ্বিষো জহি .. ১১..
চণ্ডিকে সততং যুদ্ধে জয়ন্তি পাপনাশিনি .
রূপং দেহি জয়ং দেহি যশো দেহি দ্বিষো জহি .. ১২..
দেহি সৌভাগ্যমারোগ্যং দেহি দেবি পরং সুখম্ .
রূপং দেহি জয়ং দেহি যশো দেহি দ্বিষো জহি .. ১৩..
বিধেহি দেবি কল্যাণং বিধেহি বিপুলাং শ্রিয়ম্ .
রূপং দেহি জয়ং দেহি যশো দেহি দ্বিষো জহি .. ১৪..
বিধেহি দ্বিষতাং নাশং বিধেহি বলমুচ্চকৈঃ .
রূপং দেহি জয়ং দেহি যশো দেহি দ্বিষো জহি .. ১৫..
সুরাসুরশিরোরত্ননিঘৃষ্টচরণেঽম্বিকে .
রূপং দেহি জয়ং দেহি যশো দেহি দ্বিষো জহি .. ১৬..
বিদ্যাবন্তং যশস্বন্তং লক্ষ্মীবন্তঞ্চ মাং কুরু .
রূপং দেহি জয়ং দেহি যশো দেহি দ্বিষো জহি .. ১৭..
দেবি প্রচণ্ডদোর্দণ্ডদৈত্যদর্পনিষূদিনি .
রূপং দেহি জয়ং দেহি যশো দেহি দ্বিষো জহি .. ১৮..
প্রচণ্ডদৈত্যদর্পঘ্নে চণ্ডিকে প্রণতায় মে .
রূপং দেহি জয়ং দেহি যশো দেহি দ্বিষো জহি .. ১৯..
চতুর্ভুজে চতুর্বক্ত্রসংসুতে পরমেশ্বরি .
রূপং দেহি জয়ং দেহি যশো দেহি দ্বিষো জহি .. ২০..
কৃষ্ণেন সংস্তুতে দেবি শশ্বদ্ভক্ত্যা সদাম্বিকে .
রূপং দেহি জয়ং দেহি যশো দেহি দ্বিষো জহি .. ২১..
হিমাচলসুতানাথসংস্তুতে পরমেশ্বরি .
রূপং দেহি জয়ং দেহি যশো দেহি দ্বিষো জহি .. ২২..
ইন্দ্রাণীপতিসদ্ভাবপূজিতে পরমেশ্বরি .
রূপং দেহি জয়ং দেহি যশো দেহি দ্বিষো জহি .. ২৩..
দেবি ভক্তজনোদ্দামদত্তানন্দোদয়েঽম্বিকে .
রূপং দেহি জয়ং দেহি যশো দেহি দ্বিষো জহি .. ২৪..
ভার্যাং মনোরমাং দেহি মনোবৃত্তানুসারিণীম্ .
রূপং দেহি জয়ং দেহি যশো দেহি দ্বিষো জহি .. ২৫..
তারিণি দুর্গসংসারসাগরস্যাচলোদ্ভবে .
রূপং দেহি জয়ং দেহি যশো দেহি দ্বিষো জহি .. ২৬..
ইদং স্তোত্রং পঠিৎবা তু মহাস্তোত্রং পঠেন্নরঃ .
সপ্তশতীং সমারাধ্য বরমাপ্নোতি দুর্লভম্ .. ২৭..
.. ইতি শ্রীমার্কণ্ডেয়পুরাণে অর্গলাস্তোত্রং সমাপ্তম্ ..
.. কীলকস্তোত্রম্ ..
ওঁ নমশ্চণ্ডিকায়ৈ
মার্কণ্ডেয় উবাচ .
ওঁ বিশুদ্ধজ্ঞানদেহায় ত্রিবেদীদিব্যচক্ষুষে .
শ্রেয়ঃপ্রাপ্তিনিমিত্তায় নমঃ সোমার্ধধারিণে .. ১..
সর্বমেতদ্বিজানীয়ান্মন্ত্রাণামপি কীলকম্ .
সোঽপি ক্ষেমমবাপ্নোতি সততং জপ্যতৎপরঃ .. ২..
সিদ্ধ্যন্ত্যুচ্চাটনাদীনি কর্মাণি সকলান্যপি .
এতেন স্তুবতাং দেবীং স্তোত্রবৃন্দেন ভক্তিতঃ .. ৩..
ন মন্ত্রো নৌষধং তস্য ন কিঞ্চিদপি বিদ্যতে .
বিনা জপ্যেন সিদ্ধ্যেত্তু সর্বমুচ্চাটনাদিকম্ .. ৪..
সমগ্রাণ্যপি সেৎস্যন্তি লোকশঙ্কামিমাং হরঃ .
কৃৎবা নিমন্ত্রয়ামাস সর্বমেবমিদং শুভম্ .. ৫..
স্তোত্রং বৈ চণ্ডিকায়াস্তু তচ্চ গুহ্যং চকার সঃ .
সমাপ্নোতি স পুণ্যেন তাং যথাবন্নিমন্ত্রণাম্ .. ৬..
সোঽপি ক্ষেমমবাপ্নোতি সর্বমেব ন সংশয়ঃ .
কৃষ্ণায়াং বা চতুর্দশ্যামষ্টম্যাং বা সমাহিতঃ .. ৭..
দদাতি প্রতিগৃহ্ণাতি নান্যথৈষা প্রসীদতি .
ইত্থং রূপেণ কীলেন মহাদেবেন কীলিতম্ .. ৮..
যো নিষ্কীলাং বিধায়ৈনাং চণ্ডীং জপতি নিত্যশঃ .
স সিদ্ধঃ স গণঃ সোঽথ গন্ধর্বো জায়তে ধ্রুবম্ .. ৯..
ন চৈবাপাটবং তস্য ভয়ং ক্বাপি ন জায়তে .
নাপমৃত্যুবশং যাতি মৃতে চ মোক্ষমাপ্নুয়াৎ .. ১০..
জ্ঞাৎবা প্রারভ্য কুর্বীত হ্যকুর্বাণো বিনশ্যতি .
ততো জ্ঞাৎবৈব সম্পূর্ণমিদং প্রারভ্যতে বুধৈঃ .. ১১..
সৌভাগ্যাদি চ যৎকিঞ্চিদ্ দৃশ্যতে ললনাজনে .
তৎসর্বং তৎপ্রসাদেন তেন জপ্যমিদম্ শুভম্ .. ১২..
শনৈস্তু জপ্যমানেঽস্মিন্ স্তোত্রে সম্পত্তিরুচ্চকৈঃ .
ভবত্যেব সমগ্রাপি ততঃ প্রারভ্যমেব তৎ .. ১৩..
ঐশ্বর্যং তৎপ্রসাদেন সৌভাগ্যারোগ্যমেব চ .
শত্রুহানিঃ পরো মোক্ষঃ স্তূয়তে সা ন কিং জনৈঃ .. ১৪..
চণ্ডিকাং হৃদয়েনাপি যঃ স্মরেৎ সততং নরঃ .
হৃদ্যং কামমবাপ্নোতি হৃদি দেবী সদা বসেৎ .. ১৫..
অগ্রতোঽমুং মহাদেবকৃতং কীলকবারণম্ .
নিষ্কীলঞ্চ তথা কৃৎবা পঠিতব্যং সমাহিতৈঃ .. ১৬..
.. ইতি শ্রীভগবত্যাঃ কীলকস্তোত্রং সমাপ্তম্ ..
|| শ্রীকুঞ্জিকাস্তোত্রম্ ||
শ্রী গণেশায় নমঃ |
ওঁ অস্য শ্রীকুঞ্জিকাস্তোত্রমন্ত্রস্য, সদাশিব ঋষিঃ,
অনুষ্টুপ্ ছন্দঃ, শ্রীত্রিগুণাত্মিকা দেবতা,
ওঁ ঐং বীজম্ , ওঁ হ্রীং শক্তিঃ, ওঁ ক্লীং কীলকম্ ,
মম সর্বাভীষ্টসিদ্ধ্যর্থে জপে বিনিয়োগঃ |
শিব উবাচ |
শ্রৃণু দেবি প্রবক্ষ্যামি কুঞ্জিকাস্তোত্রমুত্তমম্ |
যেন মন্ত্রপ্রভাবেণ চণ্ডীজাপঃ শুভো ভবেৎ || ১||
ন কবচং নার্গলাস্তোত্রং কীলকং ন রহস্যকম্ |
ন সূক্তং নাপি বা ধ্যানং ন ন্যাসো ন বার্চনম্ || ২||
কুঞ্জিকাপাঠমাত্রেণ দুর্গাপাঠফলং লভেৎ |
অতিগুহ্যতরং দেবি দেবানামপি দুর্লভম্ || ৩||
গোপনীয়ং প্রয়ত্নেন স্বয়োনিরিব পার্বতি |
মারণং মোহনং বশ্যং স্তম্ভনোচ্চাটনাদিকম্ || ৪||
পাঠমাত্রেণ সংসিদ্ধ্যেৎ কুঞ্জিকাস্তোত্রমুত্তমম্ |
ওঁ শ্রূঁ শ্রূঁ শ্রূঁ শং ফট্ ঐং হ্রীং ক্লীং জ্বল উজ্জ্বল প্রজ্বল
হ্রীং হ্রীং ক্লীং স্ত্রবয় স্রাবয় শাপং নাশয় নাশয়
শ্রীং শ্রীং শ্রীং জূং সঃ স্রাবয় আদয় স্বাহা || ৫||
ওঁ শ্র্লীং হূঁ ক্লীং গ্লাং জূং সঃ জ্বল উজ্জ্বল মন্ত্রং
প্রজ্বল হং সং লং ক্ষং ফট্ স্বাহা |
নমস্তে রুদ্ররূপায়ৈ নমস্তে মধুমর্দিনি || ৬||
নমস্তে কৈটভনাশিন্যৈ নমস্তে মহিষার্দিনি |
নমস্তে শুম্ভহন্ত্র্যৈ চ নিশুম্ভাসুরসূদিনি || ৭||
নমস্তে জাগ্রতে দেবি জপে সিদ্ধিং কুরূষ্ব মে |
ঐঙ্কারী সৃষ্টিরূপিণ্যৈ হ্রীঙ্কারী প্রতিপালিকা || ৮||
ক্লীং কালী কালরূপিণ্যৈ বীজরূপে নমোঽস্তু তে |
চামুণ্ডা চণ্ডরূপা চ যৈঙ্কারী বরদায়িনী || ৯||
বিচ্চে ৎবভয়দা নিত্যং নমস্তে মন্ত্ররূপিণি |
ধাং ধীং ধূং ধূর্জটেঃ পত্নী বাং বীং বাগীশ্বরী তথা || ১০||
ক্রাং ক্রীং ক্রূং কুঞ্জিকা দেবি শ্রাং শ্রীং শ্রূং মে শুভং কুরু |
হূং হূং হূঙ্কাররূপিণ্যৈ জ্রাং জ্রীং জ্রূং ভালনাদিনী || ১১||
ভ্রাং ভ্রীং ভ্রূং ভৈরবী ভদ্রে ভবান্যৈ তে নমো নমঃ |
ওঁ অং কং চং টং তং পং সাং বিদুরাং বিদুরাং বিমর্দয় বিমর্দয়
হ্রীং ক্ষাং ক্ষীং স্রীং জীবয় জীবয় ত্রোটয় ত্রোটয় জম্ভয় জম্ভয়
দীপয় দীপয় মোচয় মোচয় হূং ফট্ জ্রাং বৌষট্ ঐং হ্রীং ক্লীং
রঞ্জয় রঞ্জয় সঞ্জয় সঞ্জয় গুঞ্জয় গুঞ্জয়
বন্ধয় বন্ধয় ভ্রাং ভ্রীং ভ্রূং ভৈরবী ভদ্রে
সঙ্কুচ সঙ্কুচ ত্রোটয় ত্রোটয় ম্লীং স্বাহা || ১২||
পাং পীং পূং পার্বতী পূর্ণা খাং খীং খূং খেচরী তথা |
ম্লাং ম্লীং ম্লূং মূলবিস্তীর্ণা কুঞ্জিকাস্তোত্রহেতবে || ১৩||
অভক্তায় ন দাতব্যং গোপিতং রক্ষ পার্বতি |
বিহীনা কুঞ্জিকাদেব্যা যস্তু সপ্তশতীং পঠেৎ || ১৪||
ন তস্য জায়তে সিদ্ধির্হ্যরণ্যে রুদিতং যথা || ১৫||
| ইতি শ্রীডামরতন্ত্রে ঈশ্বরপার্বতীসংবাদে কুঞ্জিকাস্তোত্রং সম্পূর্ণম্ |
‘ link=” style_id=” target=’self’]