Brahmandamohanakhyam durgakavacham
॥ ব্রহ্মাণ্ডমোহনাখ্যং দুর্গাকবচম্ ॥
শ্রীগণেশায় নমঃ ।
নারদ উবাচ ।
ভগবন্সর্বধর্মজ্ঞ সর্বজ্ঞানবিশারদ ।
ব্রহ্মাণ্ডমোহনং নাম প্রকৃতে কবচং বদ ॥ ১॥
নারায়ণ উবাচ ।
শ্রৃণু বক্ষ্যামি হে বত্স কবচং চ সুদুর্লভম্ ।
শ্রীকৃষ্ণেনৈব কথিতং কৃপয়া ব্রহ্মণে পুরা ॥ ২॥
ব্রহ্মণা কথিতং পূর্বং ধর্মায় জান্হবীতটে ।
ধর্মেণ দত্তং মহ্যং চ কৃপয়া পুষ্করে পুরা ॥ ৩॥
ত্রিপুরারিশ্চ য়দ্ধৃত্বা জঘান ত্রিপুরং পুরা ।
মমোচ ব্রহ্মা য়দ্ধৃত্বা মধুকৈটভয়োর্ভয়াত্ ॥ ৪॥
সঞ্জহার রক্তবীজং য়দ্ধৃত্বা ভদ্রকালিকা ।
য়দ্ধৃত্বা হি মহেন্দ্রশ্চ সম্প্রাপ কমলালয়াম্ ॥ ৫॥
য়দ্ধৃত্বা চ মহায়োদ্ধা বাণঃ শত্রুভয়ঙ্করঃ ।
য়দ্ধৃত্বা শিবতুল্যশ্চ দুর্বাসা জ্ঞানিনাং বরঃ ॥ ৬॥
ওঁ দুর্গেতি চতুর্থ্যংতঃ স্বাহান্তো মে শিরোঽবতু ।
মন্ত্রঃ ষডক্ষরোঽয়ং চ ভক্তানাং কল্পপাদপঃ ॥ ৭॥
বিচারো নাস্তি বেদে চ গ্রহণেঽস্য মনোর্মুনে ।
মন্ত্রগ্রহণমাত্রেণ বিষ্ণুতুল্যো ভবেন্নরঃ ॥ ৮॥
মম বক্ত্রং সদা পাতু ওঁ দুর্গায়ৈ নমোঽন্তকঃ ।
ওঁ দুর্গে ইতি কণ্ঠং তু মন্ত্রঃ পাতু সদা মম ॥ ৯॥
ওঁ হ্রীং শ্রীমিতি মন্ত্রোঽয়ং স্কন্ধং পাতু নিরন্তরম্ ।
হ্রীং শ্রীং ক্লীমিতি পৃষ্ঠং চ পাতু মে সর্বতঃ সদা ॥ ১০॥
হ্রীং মে বক্ষস্থলে পাতু হং সং শ্রীমিতি সন্ততম্ ।
ঐং শ্রীং হ্রীং পাতু সর্বাঙ্গং স্বপ্নে জাগরণে সদা ॥ ১১॥
প্রাচ্যাং মাং পাতু প্রকৃতিঃ পাতু বহ্নৌ চ চণ্ডিকা ।
দক্ষিণে ভদ্রকালী চ নৈঋত্যাং চ মহেশ্বরী ॥ ১২॥
বারুণ্যাং পাতু বারাহী বায়ব্যাং সর্বমঙ্গলা ।
উত্তরে বৈষ্ণবী পাতু তথৈশান্যাং শিবপ্রিয়া ॥ ১৩॥
জলে স্থলে চান্তরিক্ষে পাতু মাং জগদম্বিকা ।
ইতি তে কথিতং বত্স কবচং চ সুদুর্লভম্ ॥ ১৪॥
য়স্মৈ কস্মৈ ন দাতব্যং প্রবক্তব্যং ন কস্যচিত্ ।
গুরুমভ্যর্চ্য বিধিবদ্বস্ত্রালঙ্কারচন্দনৈঃ ॥ ১৫॥
কবচং ধারয়েদ্যস্তু সোঽপি বিষ্ণুর্ন সংশয়ঃ ।
স্নানে চ সর্বতীর্থানাং পৃথিব্যাশ্চ প্রদক্ষিণে ॥ ১৬॥
য়ত্ফলং লভতে লোকস্তদেতদ্ধারণে মুনে ।
পঞ্চলক্ষজপেনৈব সিদ্ধমেতদ্ভবেদ্ধ্রুবম্ ॥ ১৭॥
লোকে চ সিদ্ধকবচো নাবসীদতি সঙ্কটে ।
ন তস্য মৃত্যুর্ভবতি জলে বহ্নৌ বিষে জ্বরে ॥ ১৮॥
জীবন্মুক্তো ভবেত্সোঽপি সর্বসিদ্ধীশ্বরীশ্বরি ।
য়দি স্যাত্সিদ্ধকবচো বিষ্ণুতুল্যো ভবেদ্ধ্রুবম্ ॥ ১৯॥
॥ ইতি শ্রীব্রহ্মবৈবর্তে প্রকৃতিখণ্ডান্তর্গতদুর্গাকবচম্ সম্পূর্ণম্ ॥